Ritstjóri Herðubreiðar 05/02/2015

Getur ekki klárað kvótafrumvarp vegna ólíkra hagsmuna flokkanna

Sigurður Ingi JóhannssonSigurður Ingi Jóhannsson sjávarútvegsráðherra sagði á alþingi í morgun að ólíkir hagsmunir flokkanna hafi hindrað framlagningu frumvarps um fiskveiðistjórnunarkerfið.

Gert hafði verið ráð fyrir að frumvarpið kæmi fram um síðustu mánaðamót, en það hefur enn ekki verið lagt fram. Skýringuna á því sagði ráðherrann vera meðal annars þessa:

„Það er hins vegar engin launung á því að innan stjórnmálaflokkanna – og það kom berlega í ljós þegar ég var að kynna þetta fyrir stjórnarandstöðunni og auðvitað samstarfsflokknum – að þar eru ólíkir hagsmunir.“

Ráðherrann útskýrði ekki hverjir þessir hagsmunir væru né heldur að hvaða leyti þeir væru ólíkir milli flokka.

Flokkun : Efst á baugi
1,671