Gamli útrásarvíkingurinn
dagar
þegar brynjaðar hugmyndir
hleyptu frísandi fákum
áfram
áfram
þegar gullfjaðraðir drekar
flugu upp af hverri niðurstöðu
barðist einn við átta
endurskoðendur
og ellefu tvisvar
leitaði upp til Lundar
fór vestur um ver
tæmdi allkaldra
ekkna sjóði
á Englandi
fól í keldu féð
finnst aldrei
nætur
þegar gargandi illfygli
flugstola af öfund
sátu á rúmgaflinum
morgunn
þegar sólin kom ekki upp
svart svartnætti í svartholinu
og Egilssaga eini vinurinn
blautur er bergisfótarbor
gömul hlandlykt af konungsvörnum
Böðvar Guðmundsson (birt í Tímariti Máls og menningar, mars 2016)
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021