Gamall afgangsmatur á 4.000 krónur kílóið

Með komu þorra hefur fólk deilt upplýsingum á samfélagsmiðlum um verðlag á mat sem kemst þá tímabundið í tísku, en er í mörgum tilfellum aðeins afgangar, afskurður eða bara kjöttætlur í hlaupi.

Hér eru fáein dæmi sem Benedikt Guðmundsson birti.

335 grömm af rófustöppu kosta 498 krónur. Það stappar nærri 1.500 krónum á kílóið. Fyrir gulrófur og vatn.

310 grömm af súrri sviðasultu kosta 774 krónur. Það eru um tvö þúsund og fimm krónur fyrir kílóið af sviðakjammaafgöngum og matarlími.

182 grömm af nýrri sviðasultu kosta hins vegar 435 krónur. Umreiknað er það aðeins tvö þúsund og fjögur hundruð fyrir kílóið af sömu afgöngum og hlaupi.

300 grömm af súrsuðum hval kosta rúmlega 1.100 krónur. Þannig leggur kílóið af hvalspiki sig á tæpar fjögur þúsund krónur.

Svo höfum við um 250 grömm af hangiframparti á þúsund krónur. Það eru líka um fjögur þúsund krónur fyrir kílóið.

Íslenskur sauðfjárbóndi fékk í haust greiddar um 480 krónur fyrir kílóið af meðallambi, læri, lundir, hrygg og allt hitt.

Einhvers staðar á leiðinni kunna einhverjir milliliðir margföldunartöfluna sína.