Úlfar Þormóðsson 10/12/2015

Gælur og gyllinæði

Ráðherrar hafa að undanförnu verið að reyta af sér misskýr svör við spurningum Katrínar Jakobsdóttur um útgjöld þeirra vegna sérfræði-, ráðgjafar- og kynningarstarfa. Eygló Harðardóttir svaraði óvenju skilmerkilega og skýrði frá því að Siv Friðleifsdóttir, fyrrverandi ráðherra Framsóknarflokksins hafi fengið tæpar tuttugu milljónir króna frá félags- og húsnæðismálaráðuneytinu fyrir aðstoð vegna norræns samstarfs, formennsku Íslands í norrænu ráðherranefndinni og vinnu í velferðarvaktinni frá upphafi ársins 2014.

Eygló Harðardóttir

Ráðherrann getur áreiðanlega haldið því fram að hvorki hann né starfsmenn ráðuneytisins hafi þá þekkingu sem Sif býr yfir og því eðlilegt að kaupa hana af henni.  Sjálfsagt getur hann líka sagt að hér sé hvorki um vinargreiða við Sif að ræða né spillingu. Og þekkingin hafi ekki verið verðlögð í neins konar gyllinæði; sanngjörn greiðsla fyrir mikilvæga þekkingu, mikla vinnu og dýrmæta ráðgjöf.

Björn Valur Gíslason skrifar um spillingu á heimasíðu sinni og segir: „Víst er það spilling þegar ráðherrar knýja í gegn byggingarframkvæmdir byggðar á 100 ára gömlum teikningum í þeim tilgangi einum að svala þörf sinni og áhugamálum sínum um gamlar byggingar (bls. 12(link is external))“.

sigmundur-david

Í skýringum á nefndaráliti meirihluta fjárlaganefndar alþingis vegna frumvarps til fjárlaga næsta árs kemur fram að ætlunin sé að veita 75 miljónum til  framkvæmdir á Alþingisreit (með stórum og allt) samkvæmt samþykki ríkisstjórnarinnar. Síðan segir meirihlutinn, þau þau Vígdís Hauksdóttir og Guðlaugur Þór orðrétt:

„Lagt er til 75 m.kr. framlag til að hefja undirbúning og hönnun að 4.500 fermetra skrifstofubyggingu fyrir Alþingi í stað leiguhúsnæðis og 750 fermetra bílakjallara. Lóð fyrir nýbygginguna er á milli Kirkjustrætis, Vonarstrætis og Tjarnargötu. Nú hefur Alþingi 4.400 fermetra húsnæði á leigu við Austurstræti fyrir nefndir þingsins, þingmenn, þingflokka og starfsmenn skrifstofunnar. Samkvæmt frumkostnaðaráætlun er reiknað með að heildarkostnaður við bygginguna verði um 2,3 mia.kr. og að hún verði reist á árunum 2017-2019. Við undirbúning framkvæmda skal hafa hliðsjón af þeim áformum sem uppi voru um uppbyggingu á Alþingisreitnum fullveldisárið 1918, sbr. fyrirliggjandi teikningar Guðjóns Samúelssonar fyrrverandi húsameistara ríkisins og áform um minningarviðburði sem tengjast komandi aldarafmæli fullveldis Íslands.“

Spilling ? Vinargreiði?

Forsætisráðherrann varð að athlægi fyrr á árinu þegar í ljós koma að hann vildi byggja við Alþingishúsið eftir teikningu sem gerð var að heimavist fyrir háskólastúdenta og héldu flestir að þetta hefði verið aprílgabb hjá þessum þekkta grínara. En nú er komið í ljós að svo var ekki. Honum var alvara.

Spilling? Vinargreiði ráðherra við ráðherra? Eða eru þetta bara gælur? 75 miljón króna fróun af einhverri sort? Eða kannski enn eitt heimsmet; Ísland best í heimi fyrir vini valdsins og handhafa þess ?

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,862