Ritstjóri Herðubreiðar 25/01/2015

Fullnaðarupgjör í máli Björgvins G. Allir fara sáttir frá borði

Björgvin G. SigurðssonSamkomulag hefur tekist vegna deilna sem urðu í kringum starfslok Björgvins G. Sigurðssonar sem sveitarstjóra Ásahrepps.

Í samkomulaginu felst fjárhagslegt uppgjör vegna fjármuna sem Björgvin viðurkennir að hafa ráðstafað án fyrirfram fenginnar heimildar, svo og vegna lögmannskostnaðar hreppsins. Þar kemur fram að Björgvin hafi þegar endurgreitt þessa upphæð að fullu.

Í sameiginlegri yfirlýsingu segir ennfremur:

„Samkomulagið felur í sér endanlegar málalyktir vegna starfslokanna af hálfu beggja aðila og mun hvorugur hafa uppi frekari kröfur á hendur hinum né frekari aðgerðir vegna málsins.

Bæði hreppsnefnd Ásahrepps og Björgvin G. Sigurðsson hafa lagt áherslu á að leysa málið með hagsmuni hreppsins í huga, sem endurspeglast í því samkomulagi sem gert hefur verið.

Aðilar eru sáttir við að hafa náð fullnaðarlúkningu í málinu og óska hvor öðrum góðs gengis í framtíðinni.“

Flokkun : Efst á baugi
0,903