trusted online casino malaysia
Úlfar Þormóðsson 21/09/2016

Flóttamaðurinn

Þau eru skilin að skiptum, hið hugumstóra og djarfmælta par, Vigdís Hauksdóttir og Guðlaugur Þór; formaður og varaformaður fjárlaganefndar alþingis. Þau sem voru svo sæl saman. Og eindregin í öllu.

Landsbanki, Guðlaugur Þór

Forsaga skilnaðarins er að þau hjúin sömdu saman „skýrslu“ um löngu upplýst mál og birtu hana í nafni meirihluta fjárlaganefndar alþings. Þau töluðu fyrir henni í öllum fjölmiðlum. Voru í kastljósinu. Böðuðu sig þar. Stutta stund; þegar innihaldið varð ljóst flissuðu landsmenn og forseti alþingsins kvað upp þann úrskurð að þetta væri ekki skýrsla, frekar svona glósur. Þá var málið tekið fyrir í nefndinni sem „skýrslan“ var eignuð. Og þá fór í verra. Þar kannaðist enginn við króann. Ekki Guðlaugur Þór. Enginn nema Vigdís ein.

Guðlaug­ur Þór sagði við mbl.is „að það sé þó ekki vegna þess að ein­hverj­ir séu að hlaupa frá mál­inu held­ur …. snýst málið einfaldlega um það að menn fari að ræða efnisatriði máls­ins í stað þess að tala enda­laust um formið.“ Merkilegt. Merkilegt. Og mbl.is bætti því við að þannig hafi verið ákveðið að Vig­dís skrifaði sig ein fyr­ir skýrsl­unni enda hefði hún unnið hana að mestu leyti.

Guðlaugur Þór Þórðarson

„Nú er þetta bara skýrt, þetta er skýrsla henn­ar,“ sagði hann, riddarinn hugumprúði, staðgengill Vigdísar. Síðan var „skýrslunni“ vísað frá fjárlaganefnd til stjórn­skip­un­ar- og eft­ir­lits­nefnd­ar af meirihlutanum, sem upphaflega samdi „skýrsluna“. Af þeim öllum. Öllum nem Vigdísi. Hún er ein. Var skilin ein eftir.

Á meðan meirihluti nefndarinnar ( Guð­laugur Þór Þórð­ar­son, Ásmundur Einar Daða­son, Har­aldur Bene­dikts­son, Páll Jóhann Páls­son og Val­gerður Gunn­ars­dótt­ir) var að undirbúa flótta frá höfundarábyrgð á verki sínu á háttsettur embættismaður að hafa hótað höfundunum „æru- og eigna missi“ vegna „skýrslunnar“, eins og mbl.is orðar það, og segir Guðlaugur Þór, sjálfur „að það mál sé ein­fald­lega í ferli.“

Hann er sum sé farinn, farinn frá henni, Vigdísi, flúinn, Guðlaugur Þór, efsti maður á lista Sjálfstæðisflokksins í Reykjavík norður/suður, sómi síns flokks og ráðherraefni. Samt er hann ekki farinn; „það er enginn að hlaupa frá málinu,“ segir hann á sprettinum.

Latest posts by Úlfar Þormóðsson (see all)
Flokkun : Efst á baugi
1,463