trusted online casino malaysia
Úlfar Þormóðsson 30/07/2015

Flónaska

Sigurður Ingi Jóhannesson, sjávarútvegs-og landbúnaðarráðherra hefur gefið það út að höfuðstöðvar Fiskistofu, sem nú eru í Hafnarfirði, verði á Akureyri frá og með 1. janúar 2016. Þetta er gert í óþökk starfsmanna, sem þrátt fyrir þriggja miljóna króna mútuboð frá ráðherranum, ætla ekki að flytja norður.

Sigurður Ingi Jóhannsson

En hann hefur leyfi til þess að gera þetta, ráðherrann, eftir að alþingi samþykkti eftirfarandi klásúlu: „Ráðherra kveður á um aðsetur stofnunar sem undir hann heyrir, nema á annan veg sé mælt í lögum.“

Í vetur lögðu hugmyndafræðingar ríkisstjórnarinnar það til að höfuðstöðvar Rarik og Landhelgisgæslunnar yrðu fluttar norður í Skagafjörð. Með nýja lagaákvæðinu geta ráðherrar viðkomandi stofnanna fyrirskipað flutning þegar þannig stendur í bólið þeirra.

Ef byggð á að haldast um landið allt skiptir meginmáli að fólk hafi eitthvað að starfa. Hins vegar er fáránleg sú aðferð framsóknarmanna að auka atvinnu þar með því að flytja stofnanir og starfsmenn þeirra nauðungaflutningi út á land með lagaboði. Það eykur rekstrarkostnað stofnanna, sem eðlilega þurfa að sækja margt til daglegs rekstrar til höfuðborgarinnar, dregur úr ánægju starfsmanna og eflir ófrið á milli landsbyggðar og höfuðborgar.

Framsókn

Ef reynt er að hugsa á framsóknarnótum mætti spyrja af hverju bændasamtökin og Hótel Saga eru ekki skikkuð til þess að flytja sig nær starfsveggvangi bænda? Og af hverju flytur Framsókn ekki flokksmiðstöð sína til Hólmavíkur eða í kjördæmi formannsins á Kópasker ellegar í eyðibýlið til forætisráðherrans eystra? Við það mundi störfum fjölga á landsbyggðinni. Skynsamir menn þekkja svörin við þessum spurningum. Framsóknarmenn ekki. Af hverju er það?

Latest posts by Úlfar Þormóðsson (see all)
Flokkun : Efst á baugi
2,525