trusted online casino malaysia
Úlfar Þormóðsson 24/05/2018

Endurvinnsla

Það eru margar skoðanir á því hvernig kosningabaráttan fyrir sveitarstjórnarkosningarnar hefur verið. “Dauf”, segir einn, “leiðinleg”, kveður annar, delluumræða skrifar nafnlaus staksteinahöfundur í Morgunblaði dagsins.

 

En það eru nú ekki bara deyfð, leiðindi og della í kosningabaráttunni. Hér eru tvö dæmi um annað.

“Við skulum gera þetta saman,” hefur BYKO auglýst mánuðum árum saman í útvarpi og sjónvarpi. Nú hefur Eyþór Arnalds yfirtekið slagorðið. Hann birtist gleiðbrosandi á sjónvarpsskjánum, býður fram krafta sína til þess að bæta og breyta og er fús til að leyfa okkur að vera með. “Við skulum gera þetta saman”, segir hann og heldur brosinu allan tímann.

“Er ekki tími til kominn að tengja?” sungu Skriðjöklarnir fyrr á árum og varð landsfrægt, ljóð og lag. Og lifði lengi. Nú kemur Eyþór heim til okkar og fullyrðir: “Það er kominn tími til að breyta,” sem er landsþekkt afbökun á frumtextanum.

Þessi slagorð vitna að vísu ekki um frumleika, en þau eru skondin. Í fátækt sinni.

Latest posts by Úlfar Þormóðsson (see all)
Flokkun : Efst á baugi
1,697