Valgarður Guðjónsson 28/03/2014

En hvar eru 300/800 milljarðarnir þá?

Ég sé að aðstoðarmaður forsætisráðherra, hinn geðþekki Jóhannes Þór Skúlason, fer ófögrum orðum um tal þeirra sem eru að rukka forsætisráðherra um 300 milljarða fullyrðingarnar fyrir kosningar.

Sigmundur Davíð talaði reyndar um 800 milljarða sigmundurdavid.is sem væri meira en nóg til að leiðrétta stöðu heimilanna.

Fyrir mér er þetta nú hálfgerður orðhengilsháttur. Mér finnst óneitanlega undarlegt að slíta 300 milljarða talið svona úr samhengi og segja að það hafi ekki beinlínis verið hengt á loforð um skuldaleiðréttingu. Ég skal að minnsta kosti játa að ég skildi þetta heldur betur í þessu samhengi, en það gerir kannski ekki svo mikið til. Öllu verra er að fullt af fólki lét ekki þar við sitja heldur rauk til og kaus flokkinn út þennan „misskilning“, eða eins og það heitir í dag, „bein lygi“ og/eða „rakalaus spuni“.

Látum það nú samt aðeins liggja á milli hluta, svona umræðunnar vegna. Gefum okkur jafnvel að þessar skýringar séu réttar, aftur bara forvitninnar vegna.

Hvar eru þá þessi 300 milljarðar?

Í hvað ætlar forsætisráðherra að nota þessa 300 milljarða? Ég meina 800 milljarða.

Ef það er búið að sækja þetta og það eru engin not fyrir þetta, þá er reikningsnúmerið mitt….

Flokkun : Pistlar
0,757