„Ekkert fer verr með þá lægst launuðu en verðbólgan.“ Gagnleg upprifjun á nýliðinni sögu

Á níunda áratug síðustu aldar hækkuðu laun um 1.600 prósent samkvæmt kjarasamningum. Kaupmáttur lækkaði á sama tíma um 10 prósent. Laun lækkuðu því að raunvirði þrátt fyrir þessar gríðarmiklu kauphækkanir að nafnvirði.

Þetta er meðal þess sem kemur fram í yfirgripsmikilli grein sem Guðmundur Gunnarsson, fyrrverandi formaður Rafiðnaðarsambandsins, skrifar í Herðubreið.

Guðmundur var á þessum tíma og síðar einn af helstu stefnumótendum Alþýðusambandsins í því sem kallað hefur verið „Þjóðarsáttin“ og almennt hefur verið talin ein best heppnaða aðgerð stjórnvalda og vinnumarkaðarins til að koma á stöðugleika og sátt í efnahagslífi landsins.

Þessi þróun á sér forsögu og sögunni er alls ekki lokið. Í aðdraganda átaka á vinnumarkaði er grein Guðmundar einkar gagnleg upprifjun. Hún er í heild sinni hér.