Ritstjóri Herðubreiðar 01/07/2015

Einungis fyrir þá sem vilja lesa sér til gagns

„Hefurðu misst síma í klósettið? Svona er best að hreinsa hann.Farsímar

Þú hefur kannski heyrt að það sé hægt að ná rakanum úr símanum þínum, ef hann hefur lent í miklu vatnsbaði eins og til dæmis klósetti eða vaski, með því að nota hrísgrjón. Sumir hafa því kannski sett símann í hrísgrjónapoka í margar klukkustundir og beðið fyrir örlögum hans en það er að sögn til mun betri leið til að bjarga símum sem hafa lent í mikilli bleytu.

Á vefsíðunni sciencefocus.com kemur fram að það sé gott að nota alkóhól til að bjarga símum sem hafa lent í of mikilli bleytu. Þetta þýðir þó ekki að það eigi að skvetta vodka yfir símann til að reyna að blása nýju lífi í hann. Það þarf að ná sér í 99% hreint alkóhól, taka rafhlöðuna úr símanum og baða hann gætilega upp úr alkóhólinu.

Á sciencefocus.com kemur fram að hrísgrjón dragi raka í sig úr símanum en vatnið sem komst í hann gæti þegar verið búið að eyðileggja rafleiðslur og annan búnað í honum, auk þess sé hætt við að hrísgrjón festist í litlum holum í símanum.

99% hreint alkóhól er mjög eldfimt og getur valdið skaða á miðtaugakerfinu ef því er andað að sér eða kemst oft í snertingu við húð. Það þarf því að fara mjög varlega og nota hanska þegar það er meðhöndlað. En auðvitað vonum við að þú munir aldrei missa símann þinn í vatn.“

Pressan, 30. júní 2015

Flokkun : Glósubókin
1,005