Einörð skilaboð til alþingismanna frá tónlistarstjóra Rásar 2: Þið hafið engan rétt til að eyðileggja Ríkisútvarpið

„Hvers vegna er það svona mikið kappsmál að Ríkisútvarpið fái minni peninga en í gær og fyrra og árið þar á undan? Getur verið að gamla samsæriskenningin sé sönn eftir alltsaman; að ákveðin öfl innan stjórnarflokkanna vilji hreinlega losna við Ríkisútvarpið, drepa það, selja það, einkavæða það á einhvern hátt…; getur það verið?“

Þannig spyr Ólafur Páll Gunnarsson – Óli Palli – tónlistarstjóri Rásar tvö í grein í Herðubreið, sem vakið hefur mikla athygli.

Tilefnið er fyrirhuguð lækkun útvarpsgjalds með tilheyrandi enn frekari niðurskurði í rekstri Ríkisútvarpsins. Óli Palli skrifar meðal annars:

„Ef útvarpsgjaldið verður minnkað um þessar 3.000 krónur á mann á ári þá jafngildir það því t.d., að öll dagskrá útvarpsins, bæði Rásar 1 og Rásar 2, yrði þurrkuð út, enda borga 3.000 krónur á mann í raun sem samsvarar allri dagskrárgerð beggja rásanna. Ég er ekki að segja að það verði slökkt á útvarpinu ef þetta frumvarp verður samþykkt, en tölurnar eru í þessum stærðarflokki. […]

Ef einhver ykkar sem eruð á Alþingi í dag nennið að lesa þetta þá eru þetta skilaboðin: Þið hafið alls engan rétt til þess að eyðileggja Ríkisútvarpið sem við eigum öll saman.“

Sjá grein Óla Palla hér.