trusted online casino malaysia
Úlfar Þormóðsson 29/10/2015

ÉG ER

Sigmundur Davíð

… ég gerði þetta, þetta er unnið af mér, þetta er heimsögulegt og breytir engu þótt síðasta ríkisstjórn hafi undirbúið það með því að fá kröfuhafa að borðinu og taka þátt í fjármögnun bankanna, nokkuð sem ég gagnrýndi þá vegna þess að það var ótímabært og illa unnið eins og sést á Víglundarmálinu og auðvitað hefðu Jóhanna og Steingrímur aldrei getað samið um eitt eða neitt við útlendinga og það er rangt hjá Sveini Valfells, úr mínum Indefence-hópi, að ég sé að fresta helmingi þess vanda sem fylgir krónueign föllnu bankanna, rýra kaupmátt, auka verðbólgu og skaða gengi okkar íslensku krónu með þessu heimssögulega snilldarbragði, þá sannar það aðeins það sem ég hef lengi vitað, að síðan ég fór úr hópnum er þar enginn eftir sem skilur hlutana í stærðfræðilegu samhengi þjóðarhagsins og að menn skuli leyfa sér að halda því fram að í þetta uppgjör vanti allt að 400 miljarða krónu, sem fari burtu úr landinu og að sú upphæð sé hærri í krónum talið en Icesave-reikningurinn áður en eignir Landsbankans voru dregnar frá og væri mönnum ekki nær, í stað þess að nöldra, að huga frekar að því sem öðlingurinn Björn Bjarnason, fyrrum ráðherra bloggar í morgun, að árangurinn sem ég hef náð í þessu mái sé glæsilegur og vert að hafa það í huga að ríkisstjórn Jóhönnu og Steingríms J. hreyfði ekkert við höftunum og hélt illa á málum þjóðarinnar, skrifar hann líka og miklu, miklu meira gæti ég sagt um þetta heimsögulega afrek ef ég yrði ekki að bregða mér frá til þess að leiðbeina nafna mínum Cameron í Evrópusambandsmálinu …

Latest posts by Úlfar Þormóðsson (see all)
Flokkun : Efst á baugi
1,382