Dólgur

Samkvæmt íslensku samheitaorðabókinni merkir nafnorðið dólgur groddi, ribbaldi, rosamenni; tröllkarl; draugur.

Í Orðabók Menningarsjóðs er kvenkynsorðið sýndarmennska skilgreint sem yfirborðsmennska, sá háttur að reyna að sýnast meiri eða betri en maður er.

000

Guðlaugur Þór Þórðarson var annar tveggja alþingismanna í Kastljósi kvöldsins (15.12.´15). Ætlun þáttarstjórnanda var að ræða fjárlögin, einkum fjárþörf heilbrigðiskerfisins. Ég hafði ekki stóra von um að verða miklu nær um málefnið. En hlustaði, og líkt og aðrir bjartsýnisbjálfar, hafði ég von. Hún brást. Ekki bara vegna þess að Guðlaugur þessi Þór er ómælandi á íslenskt mál ef hann hefur það ekki skrifað fyrir framan sig, annars allt að því meðalmaður í upplestri, heldur og vegna þess að hvaðeina sem hann lét út úr sér var ýmist óðviðkomandi umræðuefninu á því stigi sem það er og líka vegna þess að margt af því sem hann sagði var rangt, flest annað ósanngjarnt.

Það er ekki þrátt fyrir þessa annmarka á máli þingmannsins sem ég hvet hvern þann sem þrek hefur og áhuga á samfélags- og siðferðismálum, já og mannfræði, að horfa á þáttinn í endursýningu eða á Sarpi Rúv.is. Það er hverjum og einum nauðsyn að þekkja slíka fugla bæði af mynd og máli.

000

Í rafrænu orðabókinni Snöru er orðið oflátungur skýrt sem flysjungur, gikkur, gortari, hágikkur, hrokagikkur, merkikerti, ofláti, *prumpur, rosti, snipparamenni, spjátrungur, stertimaður, stertimenni, stórbokki.