Dellumakarar

Að venju skrifar nafnleysingi leiðara Morgunblaðsins þennan daginn (17.05.´16). Textarýnendur telja sig þekkja prófessor Hannes Hólmstein af orðfærinu. Leiðarinn á að vera til styrktar forsetaframbjóðandanum Davíð Oddssyni.

Í Moggablogginu rægja landsþekktir dellumakarar einn meðframjóðanda Davíðs til forsetaembættis, Guðna Th. Jóhannesson. Þar í flokki eru Jón Val Jensson, Gústaf Adolf Skúlason og Pál Vilhjálmsson. Einn dellumakarinn, Halldór Jónsson, lætur þó aðra í friði en mærir sinn mann sí svona:

„Davíð trompar

með því að segjast ekki ætla að taka laun fyrir að vera Forseti. Hann láti sér nægja eftirlaunin sem hann fær fyrir ævistarfið í stjórnmálum. Einhver 40 % af Forsetalaunum.

Hvað á maður að segja við þessu? Hvað munu rægjendur Davíðs segja? Ég er eiginlega mát. Þetta er svo einstakt. Að einhver vilji vinna verk fyrir þjóðina ókeypis. Ég er svo gersamlega klumsa.

En vegir Davíðs eru órannsakanlegir eins og áður. Hann er engum líkur hvað sem menn segja.Hann sér yfirleitt vinkla á málum sem engir aðrir sjá. Jafnvel ekki ég!

Davíð hefur trompað rækilega út.“

Í kosningahríðinni sem framundan er eiga þeir eftir að skríða fram hver af örðum mærðarmennirnir, rægitungurnar og dellumakararnir. Þeir ætla að efna til leðjuslags. Vonandi heppnast þeim það ekki. Og fari svo lenda þeir í leðjubaði sjálfs sín. Það yrði fróðlegt.