Ritstjóri Herðubreiðar 31/10/2014

Blindhæðarússíbani fyrir börn – nýjar ferðir daglega. Þegar landsbyggðirnar snúast gegn sjálfum sér

ÓfærðSömu bæjarfulltrúar og skammast í alþingis- og embættismönnum, stofnunum og fyrirtækjum, yfir því að þjónusta á landsbyggðinni sé sífellt skert, snúa sér svo í hálfhring og gera nákvæmlega það sama og þeir kvarta sjálfir yfir.

Þannig mælist Esther Ösp Gunnarsdóttur í skorinorðri grein í Herðubreið.

Bæjaryfirvöld í Fjarðabyggð hafa kynnt hugmyndir um að aka börnum á Stöðvarfirði daglega til og frá skóla á Fáskrúðsfjörð, tæpa sextíu kílómetra báðar leiðir. Það er eins og vegalengdin á milli Reykjavíkur og Eyrarbakka.

Vegurinn er svokallaður Suðurfjarðavegur, sem sunnan megin í Fáskrúðsfirði einkennist af hættulegum blindhæðum og kröppum beygjum. Slys eru þar tíð, jafnvel að sumarlagi.

Stöðfirðingar hafa mómælt þesum áformum harðlega og að auki bent á, að ekki sé líklegt að fjölskyldufólk vilji búa þar ef enginn er skólinn eða önnur nauðsynleg samfélagsþjónusta. Því jafngildi stefnumörkun sem þessi ákvörðun um að leggja af byggð þar í núverandi mynd.

Núverandi formaður fræðslunefndar Fjarðabyggðar, Pálína Ásgeirsdóttir, sagðist fyrir kosningar í vor ekki geta hugsað sér að búa á Stöðvarfirði.

Grein Estherar Aspar er hér.

Flokkun : Efst á baugi
1,247