Úlfar Þormóðsson 20/07/2016

Ástkæra ilhýra

Guðlaug Þór Þórðarson, alþingmaður Sjálfstæðisflokksins kom í Sjónvarpið í gær (19.07.´16) til þess að mæla gegn orðum félagsmálaráðherra sem þá hafði nýverið sagt frá áflogum sínum við Guðlaug og flokkssystkini hans vegna áráttu þeirra að lækka skatta á tekjuhæstu hópa samfélagsins í stað þess að styðja við heimilin í landinu. Þingmaðurinn Guðlaugur, hugmyndafræðingur flokksins í efnahagsmálum, lék við hvurn sinn fingur í útsendingu Sjónvarpsins. Lítið á tungutakið:

(Eigandi myndar: Sigurður Sigmundsson)

(Eigandi myndar: Sigurður Sigmundsson)

„Og, það er nú ekki eins og það nýtist ekki heimilonum, eða í landinu ef það séu lækkaður skattar, því það kemur heimilonum beint til góða jafnt, og það skiptir ekki máli hvort það er lækkun skatta á heimili eða á fyrirtæki. Og það er nú ekki þannig að lífið sé exelskjal, það er þvert á móti, að þú verður að vera hér með umhverfi til þess að atvinnulífið geti blómstrað sem mun nýtist fólkinu í landinu með beinum hætti.“

Svo leyfa nátttröllin sér að halda því fram að móðurmálið sé í útrýmingarhættu; hvað er að óttast þegar annar eins hugsuður og mælskumaður mætir stöðugt í pontuna þegar þjóðþrifamál eru tekin til umræðu?

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,852