Ástand landsins, 13. janúar 2016
Bandaríkjaforseti flutti í nótt ræðu um stöðu síns lands. Hér er niðurstaða Herðubreiðar um stöðu Íslands og Íslendinga, um miðjan janúar 2016:
* Sveitarfélög ætla að skila af sér til ríkisins umönnun aldraðra á hjúkrunarheimilum. Boðuð plön ráðherra eru ekki til. Aldraðir komast ekki burt af spítölum. Því er ekki pláss þar fyrir sjúklinga.
* Ríkisbankinn Landsbanki hefur klárað að borga Icesave. Við borgum öll og allir höfðu rétt fyrir sér. Bæði forsetinn og Bjarni Ben.
* Landspítalinn fær bráðnauðsynlegt lækningatæki, lífeindaskanna. Undir það þarf að byggja sérstakt hús. Hvort tveggja er háð tilfallandi ákvörðun einstaklings, ekki samfélagsins.
* Fangar kvarta yfir meðferð á sér. Viðbrögðin eru a) þeir eru sekir og eiga allt vont skilið, eða b) jafnvel þótt þeir séu ekki sekir eiga þeir allt vont skilið, af því að mér líður illa.
* Þjóðin býr sig í kvíða undir að Bubbi deyi einhvern tíma. Jafnvel Bó. Þá verður aldeilis partí. Skoðanakannanir sýna þó að Gunni Þórðar er ódauðlegur.
* Til stendur að byggja gámahús í miðborg Reykjavíkur. Arkitektum tekst að koma á myndum sínum sólarljósi þangað úr öllum áttum í senn og af fólki að borða ís innan um laufgræn tré. Forsætisráðherra er framsóknarmaður og sjálfkrafa ómarktækur.
* Formaður LÍÚ (afsakið, SFS) er staðinn að fáheyrðri þvælu í viðtali. Um grundvallaratriði. Framkvæmdastjóri LÍÚ telur ekkert unnið með frekari hártogunum um staðreyndir. Þar með er útrætt um þær.
* Listamenn og óvinnufærir eru afætur. Björk biður að heilsa. Árni Johnsen líka.
* Útlendingar reynast jafnan vera bæði vingjarnlegt og vinnusamt fólk, meiraðsegja fólk fætt í Albaníu. Hannes Hólmsteinn vill þó gæta allrar varúðar. Þeir þekkja það í Brasilíu.
* Marta smarta hefur verið ráðin til að endurhanna Kvíabryggju. Í boði Ilva, Axis og Betra baks. Eða þess sem býður best.
[Næst uppfært í janúar 2017. Óbreytt.]
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021