Allt í þessu fína

Sigurður Ingi Jóhannsson, verðandi forsætisráðherra, segir það ekkert að því að eiga eignir á lágskattasvæðum ef þeir sem slíkar eigi greiði skatta af þeim eignum. Það væri löglegt á Íslandi og alþjóðlega. Það sé hins vegar verulega mikið að því þegar menn noti slík félög til að komast hjá greiðslu skatta og til að fela fé. Verðandi forsætisráðherra hvatti alla þá sem „orðið hafa fyrir því“ að fela peninga eða svíkja undan sköttum að gera hreint fyrir sínum dyrum. Þetta kom fram í svari hans við óundirbúinni fyrirspurn Katrínar Jakobsdóttur, formanns Vinstri grænna. (Tekið orðrétt úr Kjarnanum.)