trusted online casino malaysia
Úlfar Þormóðsson 11/05/2016

Afturgöngur

Siggi á efstu hæð sló oftar en ekki í gegn í gleðskap. Hann var orðheppinn sögumaður sem hafði þann háttinn á að yfirgefa samkvæmi þegar honum hafði tekist vel upp og hæst lét í gestunum. En hann átti það til að ofmeta sjálfan sig. Ofmatinu fylgdi dómgreindarbrestur sem varð til þess að hann kom aftur í partíið sem hann hafði yfirgefið og fór með sömu sögur og áður. Þá án tiltakanlegrar hrifningar.  Hann fékk snemma auknefnið afturgangan sem festist við hann og þegar tímar liðu féll skírnarnafn hans úr minni manna.

sigmundur davíð

Og nú vilja þeir ólmir koma aftur, strákarnir á efstu hæðinni. Ólafur Ragnar fór úr veislunni þegar hún stóð sem hæst.  Hann var ekki fyrr búinn að loka á eftir sér en hann fékk þá flugu í höfuðið að hann væri ómissandi, sneri á punktinum en var fljótt gerður afturreka.

Davíð Oddsson var veislustjóri í fjöldamörg ár og þótti oft á tíðum skemmtilegur. Þótt margur héldi að ekki væri hægt að vera án hans vék hann af sviðinu. Svo rann upp fyrir honum sjálfum að hann væri nauðsynlegur. Fyrir þjóðina.  Og er kominn aftur. En almenningur virðist haldi aftur af fagnaðarlátum vegna endurfundanna.

Og Sigmundur Davíð. Formaður Framsóknarflokksins. Afsettur forsætisráðherra. Hann er kominn aftur úr fjögurra vikna útlegð. Með heimilisbókhald sitt til sýnis og biður um að verða klappaður upp. Einn er þegar byrjaður á því; ein, Vigdís Hauksdóttir. Hún klappar. Og talar, eftir þögn í fjarveru foringjans, um bókhaldsbrellur hans af rómaðri þekkingu: Sigmundur hefur stigið skref sem enginn annar stjórnmálaleiðtogi hafi áður stigið. En hún gleymdi að gúgla; margir kollegar Sigmundar hafa gert líkt og hann … fyrr og betur!

Margar draugasögur eru skemmtilegar og magnaðar sumar. Sögur af lifandi afturgöngum hafa líka ótvírætt skemmtigildi þótt þær séu stundum sorglegar.

Latest posts by Úlfar Þormóðsson (see all)
Flokkun : Efst á baugi
1,422