Úlfar Þormóðsson 07/09/2015

Afturganga

Varaformaður Sjálfstæðisflokksins, Hanna Birna Kristjánsdóttir fyrrverandi ráðherra er risin upp. Hún mætti í útvarp í morgun og sagði margt að fyrri venju sinni. Hún var spurð um loforð sem Sjálfstæðisflokkurinn gaf fyrir þingkosningar, að kosið yrði um ESB aðild. Hún svaraði:

Hanna Birna

„ Það blasti við okkur þegar það mál kom upp að staðan var allt önnur. Staðan var allt önnur en þegar við ræddum málin fyrir kosningar. Við svikum ekki kosningaloforð.“

Þetta þýðir: Þegar við gáfum loforðið var full ástæða til þess. Þegar kom að því að efna það var ekki ástæða til þess.

Þetta svar minnir á ans Ólafs Ragnars Grímssonar þegar hann var spurður hvort hann ætlaði að láta af störfum á miðju kjörtímabili eins og hann hafði gefið í skyn í kosningabaráttunni en í svarinu fólst þessi umsögn: Það sem sagt var fyrir kjördag er ekki til umræðu eftir kosningar.

Hanna Birna sagðist mundu taka sæti þingnefndarformanns. Það er orðið. Sjálfstæðisflokkurinn fórnaði nú síðdegis flekklausum þingmanni sem gegnt hafði starfi formanns utanríkismálanefndar og kaus Hönnu Birnu í hans stað.

Af framgöngu Hönnu Birnu þennan fyrsta dag í endurkomu um pólitískar lendur bendir ekkert til annars en að þetta sé sama kona og hrökklaðist úr embætti vega ósanninda og annarra afglapa fyrir stuttu síðan. Og hún ætlar að bjóða sig fram til varaformennsku í flokknum sínum á næsta landsfundi. Hún mun vísast ná endurkjöri. Það er grátbroslegt, en við hæfi.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,799