trusted online casino malaysia
Ritstjóri Herðubreiðar 07/05/2014

Ætlar Kári að selja tryggingafélögum upplýsingar eftir tunguspaðaátakið? Af og frá, segir hann. Allt gert í þágu þekkingar

Er hugsanlegt að tryggingafélög eða aðrir fái aðgang að upplýsingum sem safnast í átaki Íslenskrar erfðagreiningar, sem nú stendur yfir? Hvers vegna þarf þetta risaúrtak með leiftursókn í erfðaefni okkar?Kári og Margrét

Þetta er meðal spurninga sem Margrét Tryggvadóttir fyrrverandi alþingismaður varpar fram í grein í Herðubreið. Tilefnið er hundrað þúsund tunguspaðar sem Íslendingar hafa fengið senda með beiðni um að setja á þá lífssýni og skila Íslenskri erfðagreiningu.

Kári Stefánsson hefur nú brugðist við grein Margrétar og segir meðal annars:

„Ég vona að Margrét sé ekki að gefa það í skyn að við séum að leita til fólks undir fölsku flaggi og að við séum ekki að þessu til þess að hlúa að rannsóknum heldur til þess að selja eitthvað sem hún nefnir ekki á nafn. Íslensk erfðagreining hefur birt um 400 vísindagreinar á síðustu 15 árum og hefur sýnt það og sannað að hún er fyrst og fremst heimsins besta mannerfðafræði stofnun. […]

Nú er það svo að íhygli er alltaf lofsverð og ekki ætlum við að letja Margréti til þess að nota það höfuð sem guð gaf henni og viljum aukin heldur hvetja alla þá sem velta því fyrir sér að taka þátt í rannsóknum okkar að gera það ekki umhugsunarlaust. Við viljum hins vegar benda á að eina markmiðið með rannsóknum okkar er að sækja nýja þekkingu um eðli mannsins og þá sérstaklega um það hvernig sjúkdómar verða til.“

Grein Margrétar er hér og viðbrögð Kára hér.

Flokkun : Efst á baugi
1,444