Æðisleg bók, en ógeðsleg á köflum. Því miður deyja sumir, en allt fer vel að lokum eins og næstum því alltaf

Ritdómur – Steinunn Jenný Karlsdóttir

Mórún – í skugga Skrattakolls

Davíð Þór Jónsson

(Kaldá, 2015)

Sagan gerist aðallega uppi í fjöllum, í bæ sem heitir Sviðnagil, sem er konungsríki þar sem konungurinn Olgeir ræður ríkjum (seinna Hreinn Olgeirsson.)

Helstu persónur bókarinnar eru Mórún, Hreinn Olgeirsson, Murta Jaka, Vala Járn og Blesa.

Uppáhaldspersónan mín er Blesa, hún er góð við alla og öllum finnst hún fyndin.

Það koma upp mörg vandamál, t.d. þegar Mórún, Vala og Blesa voru á ís sem var alveg að brotna. Þegar það kom hrímþurs og reif af Blesu hausinn. En aðalmálið var svikarinn í Sviðnagili, hann hótaði að drepa Mórúnu ef hann fengi ekki bogann hennar.

Hreinn bað um hönd Mórúnar en Mórún neitaði. Þannig að Mórún fór heim til sín. Boðskapurinn er sá, aldrei treysta ókunnugum.

Það voru engar myndir en kápumyndina teiknaði Ingi Jensson.

Það var mjög gott að lesa þessa bók, mikið af erfiðum orðum.

Því miður deyja sumir, en allt fer vel að lokum eins og næstum því alltaf.

Bókin var æðisleg, en stundum ógeðsleg á köflum. Ég mæli eindregið með þessari bók.

Fjórar stjörnur.

Steinunn Jenný Karlsdóttir, tíu ára