Æ komon – edda búið eða? Ertiggað grínast eða? Ungir sjálfstæðismenn vilja frjálsan afgreiðslutíma skemmtistaða í Reykjavík

Ungir sjálfstæðismenn í Reykjavík hafa sent frá sér myndband til stuðnings því stefnumáli að afgreiðslutími skemmtistaða verði frjáls.

Í myndbandinu sést vel til haft ungt fólk skemmta sér við danstónlist og verða fyrir miklum vonbrigðum þegar ljósin eru kveikt. Þau taka þó gleði sína þegar ljósin eru slökkt aftur.

Textinn í myndbandinu er að mestu á ensku, einkum þar sem við sögu kemur sambandsmiðlari (e. match maker) sem sér til þess að fólk verði ástfangið. Það virðist bera árangur, en ekki er þó ljóst af samhenginu hvernig ástin tengist afgreiðslutíma skemmtistaða.

Meginboðskapur myndbandsins er „Party ´til the break of dawn“ eða „Djömmum þar til dagur rennur.“

Langflestir barir í miðbæ Reykjavík hafa nú leyfi til að hafa opið til klukkan hálffimm eftir miðnætti um helgar.