Ritstjóri Herðubreiðar 02/11/2015

Aðeins átta milljarðar í peningum frá slitabúum föllnu bankanna. Afgangurinn er eignir sem ríkið þarf að selja

Af 379 milljarða framlagi frá slitabúum föllnu bankanna eru aðeins átta milljarðar í reiðufé. Hitt er margs konar eignir sem ríkið þarf að koma í verð.Ríkisstjórn B og D

Björn Valur Gíslason bendir á þetta í grein í Herðubreið. Hann greinir heildarfjárhæðina í sundur, þar sem stærsta framlagið er Íslandsbanki (metinn á 185 milljarða), þá skuldabréf með veði í Arion banka (84 milljarðar) og ýmsar eignir og kröfur að fjárhæð 83 milljarðar.

Björn Valur segir þetta draumalausn fyrir báða málsaðila:

„Í fyrsta lagi losna kröfuhafar við eignir sem þeim hefur gengið illa að skipta yfir í peninga. Í öðru lagi fá stjórnvöld miklar eignir til ráðstöfunar sem hentar núverandi stjórnarflokkum afar vel. Í þriðja lagi gleðst stórfjölskylda stjórnarflokkanna enda veit hún sem er að framundan er gósentíð fyrir fjölskyldumeðlimi.“

Sjá grein Björns Vals hér.

Flokkun : Efst á baugi
0,907