Úlfar Þormóðsson 09/03/2016

Að slást við sjálfan sig

Sigmundur Davíð Gunnlaugsson fór á dögunum til fundar við framsóknarmenn nálægt eyðibýli sínu austanlands. Samkvæmt miðlinum Austurfrétt.is frá því í gær, 8. mars, talaði hann til manna. Inntak ræðu hans var að miðjuflokkar eins og Framsóknarflokkinn ættu erfitt uppdráttar; það væri erfitt að vera framsóknarmaður.

sigmundur-david

„Við sjáum það bæði í Bandaríkjunum og Evrópu að það koma menn utan af jaðrinum með einfaldar, jafnvel lítt hugsaðar lausnir, sem sópa til sín fylgi. Hugmyndir þeirra eru í andstöðu við kerfið og því óljósari sem þær eru því betra,“ sagið Sigmundur og bætti við: „Það er erfið aðstaða fyrir miðjuflokk þegar menn fara frá miðjunni út á jaðrana, frá skynsemishyggjunni í óúthugsaðar lausnir.“

Um þetta verða ekki höfð fleiri orð að sinni önnur en þau að óska ráðherranum velfarnaðar í baráttunni við sjálfan sig og hvetja lesandann til þess að rifja upp orð framsóknarmannsins frá baráttunni fyrir síðustu alþingiskosningar hérlendis.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
1,992