Að éta sjálfan sig

Ástandið í Sjálfstæðisflokknum er engu líkt þessa dagana. Sjálfseyðingarhvötin er allsráðandi. Morgunblaðinu er ætlað að rétta hlut flokksins. Í þeim tilgangi var það borið í hvert hús í morgun, 19.10.´17. Á öllum blaðsíðum þar sem ritstjórarnir skrifa um pólitík, flokkinn og frambjóðendur má hverjum upplýstum lesanda vera ljóst að þarna er ekki boðlegur málflutningur. Og hrindir fylgi frá flokknum.

Og er þá ekki allt sagt enn af sjálfseyðingunni. Og þó er bara verið að tala um daginn í dag. Það verður ekki sagt af því hér, en vísað beint í frumheimildina, bjorn.is. Lesandi hafi hugfast að þar leikur helsti hugmyndafræðingur flokksins á lyklaborð tölvunnar.

Ég hef aldrei séð dýr éta sjálft sig. En aðfarir sjálfstæðismanna þessa daga gera það að verkum að það er auðvelt að ímynda sér hvernig það gerist. Og það er ömurlegt. Jafnvelþóað.