Ritstjóri Herðubreiðar 17/04/2014

„Á meðan liðþjálfinn stóð andspænis aftökusveitinni.“ Íslendingar minnast Gabriels García Márquez

Kólumbíski Nóbelsverðlaunahafinn Gabriel García Márquez lést í dag, áttatíu og sjö ára að aldri. Márquez naut alþjóðlegra vinsælda og hafa margar bóka hans verið þýddar á íslensku, þar á meðal Hunrdað ára einsemd og Ástin á tímum kólerunnar.Marquez

Íslenskir aðdáendur Márquez hafa minnst hans á facebook í kvöld, margir með því að birta brot úr texta eftir hann.

Gísli Sigurðsson íslenskufræðingur opnaði bók af handahófi:

„Minnstu munaði að hjónabandið leystist upp eftir tveggja mánaða sambúð, vegna þess að Aurelíano yngri ákvað að veita Petru Cotes miskabætur með því að ljósmynda hana uppdubbaða í skrúða drottningarinnar af Madagaskar.

Guðmundur Andri Thorsson birti þetta brot:

„En hann hafði þegar skilið áður en hann kom að síðustu ljóðlínunni, að hann átti aldrei afturkvæmt úr þessu herbergi, vegna þess að örlögin höfðu fyrir lagt að speglaborgin, eða borg hillinganna, yrði eydd í hviðum vindsins og máð úr minni mannkynsins í sömu andrá og hann, Aurelíanó Babílonía, lyki við að ráða merkingu handritanna, og að allt sem í þau var skráð yrði aldrei endurtekið meðan heimurinn stendur, vegna þess að niðum ætta, sem hafa verið vígðar hundrað ára einsemd, býðst ekkert nýtt tækifæri á vorri jörð.“

Sindri Freysson varpaði fram þessari mynd:

„Á meðan Aurelíano Búendía liðþjálfi stóð andspænis aftökusveitinni átti hann eftir að minnast löngu liðna kvöldsins, þegar faðir hans leiddi hann sér við hönd og sýndi honum ísinn.“

Avatar
Latest posts by Ritstjóri Herðubreiðar (see all)
Flokkun : Efst á baugi
1,757