Á leiðinni heim
Mundu að grafa í vösunum
eftir lyklum
til að nota sem hnúajárn.
Hafðu hina hendina á símanum.
Gakktu hratt og örugglega heim.
Láttu lítið fyrir þér fara
og umfram allt
ekki mynda augnsamband.
Lokaðu dyrunum
þegar þú kemur loks heim.
Læstu og taktu svo aftur í húninn
til að staðfesta
að skrímslin haldist úti.
Gleymdu
að þér stafar mest hætta
af honum sem er heima.
Auður Lilja Erlingsdóttir
- Innan við múrvegginn - 15/01/2021
- Fjárhúsið að sumri til og fleiri þankar - 29/12/2020
- Gamall húsgangur - 24/12/2020