Aron Jóhannsson er bjartasta von Bandaríkjamanna á HM í sumar. „Fljótur, ákveðinn og leikinn“

Helsta von Bandaríkjamanna um að ná einhverjum árangri á heimsmeistaramótinu í fótbolta felst í Aroni Jóhannssyni, rísandi stjörnu innan bandaríska landsliðsins.

Þetta er niðurstaða fótboltasérfræðings vefritsins Slate, Harrisons Starks, í nýrri greiningu hans á liðinu.

Stark gerir ekki ráð fyrir að liðið komist áfram úr erfiðum riðli þar sem andstæðingarnir eru Gana, Portúgal og Þýskaland. Hann telur Jurgen Klinsmann líklega vera ofmetinn sem þjálfara og segir ákvörðun hans um að hafna Landon Donovan, einum albesta manni liðsins til margra ára, nýjasta dæmið um það.

Þá séu fimm þýsk-bandarískir leikmenn í hópnum, sem hafi hugsanlega ekki hugarfarið sem þarf til að spila með landsliði annars lands.

Stark telur flesta í liðinu miðlungsleikmenn, ef frá er talinn Tim Howard, markmaður Everton. Illt sé að treysta á framlínuna, Michael Bradley, Clint Dempsey, Julian Green og Jozy Altidore, en…

„Þá er  gott að eiga rísandi stjörnu: Aron Jóhannsson (AZ), sem valdi bandaríska landsliðið fremur en lið landsins þar sem hann ólst upp, Íslands. Hann er fljótur, ákveðinn og leikinn, og býður upp á nýja möguleika á miðjunni eða frammi. Og ólíkt næstum öllum öðrum hefur hann verið að raða inn mörkum fyrir félagsliðið sitt.“

Greining Starks er hér.