Virðingin og lífið

Stundum er sagt að það segi mikið um samfélag hvernig það hugsi um sína minnstu bræður og systur. Er það ekki þar sem réttast er að mæla hina raunverulegu velferð? Undanfarið hafa myndir af göddum sem sem settir hafa verið upp við byggingar til að koma í veg fyrir að heimilislaust fólk geti leitað þar skjóls verið áberandi á samfélagsmiðlum. Slíkt hefur víða tíðkast til að verjast ágangi fugla, einkum dúfna, en gaddar til að koma í veg fyrir að manneskjur staldri þar við eru nýlunda. Flest erum við sammála um að slíkt lýsi fyrirlitningu á aðstæðum fólks.

Verst er þó til þess að hugsa að sumir eiga ekki í önnur hús að venda.