Vín í matvöruverslanir? Auðvitað

Ég hef enn engin rök séð fyrir því að vín sé aðeins selt í sérstökum verslunum sem einungis eru opnar á takmörkuðum tíma og alls ekki þegar kannski helst væri þörf á.

Það er skondið að sjá sömu lífsseigu rökleysurnar og haldið var á lofti fyrir bjórbanninu á sínum tíma .

Rökleysurnar eru kannski eitthvað á þessum nótum:

– núverandi fyrirkomulag er alveg nógu gott fyrir „mig“ – það má vera en það réttlætir ekki óþarfa og fráleitar takmarkanir á því hvað „ég“ eða aðrir mega gera

– vín er ávanabindandi – það getur verið það, er það sjaldnast og það sama gildir um tóbak sem þó er selt (nánast) hvar sem er

– það þarf að takmarka aðgengi að áfengi – núverandi takmarkanir ná ekki að hindra neinn sem er í vandræðum með neyslu, þetta fyrirkomulag nær eingöngu að trufla og tefja fyrir þeim sem nota áfengi í hófi

– það er heilbrigðismál að stýra neyslu – vín er þá frekar aftarlega á listanum yfir atriði sem á að takmarka, rauðvín í hófi þykir til að mynda bráðhollt