Viðráðanlegt vandamál

Bjarni Benediktsson fjármálaráðherra sté fram á sviðið í gær og tilkynnti af röggsemi að hann myndi sjá til þess að sjónvarpi yrði áfram varpað um gervihnött til þeirra sem á þeirri þjónustu þyrftu að halda. Þar með var eytt þeirri óvissu um málið hafi verið dagana þar á undan sem um tíma leit út fyrir að menn réðu ekki við að leysa.

Það vekur hins vegar athygli að fjögur ár þar á undan voru þessi mál og þúsund fleiri sambærileg leyst án þess að úr þeim yrði stórmál. Enda er þetta í eðli sínu smámál sem menn ráða fram úr áður en þau vaxa þeim yfir höfuð.

Það mætti halda að stjórnarliðar hafi verið að búa til viðráðanlegt vandamál til að leysa. Eitthvað sem þeir ráða betur við en annað.