Björn Valur Gíslason 13/09/2015

Vægðarbeiðni Elínar Hirst

Vægðarbeiðni Elínar Hirst segir meira en margt annað um ástandið í sjálfstæðisflokknum. Í henni kemur vel fram hversu sársaukafullt og í raun óbærilegt kverkartak Davíðs Oddssonar á flokknum er.Elín Hirst

Jafnframt má í yfirlýsingu Elínar augljóslega greina veika stöðu Bjarna Benediktssonar, kjörformanns flokksins sem að mati þingmannsins má þola að lúta valdi Davíðs. Bjarni er í rauninni tæpast sjálfráður í starfi sínu heldur nánast eins og strengjabrúða ritstjórans á mogganum.

Síðast en ekki síst er ljóst af yfirlýsing Elínar að þingmönnum sjálfstæðisflokksins finnst ekki aðeins óþægilegt að starfa við slíkar aðstæður heldur háir það þeim hreinlega í störfum þeirra.

Svo lamandi eru áhrif Davíðs Oddsonar á þingflokk sjálfstæðisflokksins að mati innvígðra.​

Björn Valur Gíslason
Latest posts by Björn Valur Gíslason (see all)
Flokkun : Pistlar
1,392