Uppteknir
– Sæll Geir, Davíð hérna.
– Já, sæll Davíð. Geir hérna.
– Ég veit það maður. Annars hefði ég ekki sagt sæll Geir.
– Auðvitað, alveg rétt. Eitthvað að frétta?
– Heyrðu. Það er allt að fara til andskotans.
– Nú? Er það? Hvernig þá?
– Hagkerfið maður. Glitnir, þú manst, og núna er Kaupþing að rúlla.
– Æ já. Glitnir. Baugsbankinn.
– Já, Baugsbankinn. En heyrðu, ég á við þig ákveðið erindi í þessu sambandi.
– Þú hefur hringt í sætasta gæjann á ballinu; traust efnahagsstjórn eru einkunnarorð mín.
– Ég læt sem ég hafi ekki heyrt þetta Geir. En þú þarft að samþykkja svolítið sem ég hef verið að bralla.
– Já já, ekkert mál. Er það ljóðabók?
– Þegiðu Geir. Alla vega þangað til ég leyfi þér að tala.
– Sorrí.
– Sko. Þetta er þjóðhagslega lífsnauðsynleg aðgerð sem ég verð að ráðast í.
– Já! Rússalánið!
– HALTU KJAFTI GEIR!
– sorrí
– Leyfðu mér að klára. Ég er búinn að lána Kaupþingi alla peningana okkar og þú verður að samþykkja lánið.
– Uuuuuuu…
– Bara eins og alltaf Geir. Eins og alltaf.
– Uuuuuuu…
– Ég sendi mann með það til þín og þú skrifar undir. Ég merkti línurnar þínar með x-i.
– Uuuuuuu…
– Hann er lagður af stað. Ókey?
– Uuuuuuu…
– Ekkert andskotans uuuuuuu; þú tekur á móti manninum og skrifar undir. Skilið?
– Uuuuuuu…já…já,já.
– Gott. Ég vissi að þú myndir gera þetta fyrir mig.
– En Davíð, er þetta ekki einum of? Alla peningana okkar?
– Ekki núna, ekki byrja á þessu aftur. Kræst.
– Sorrí Davíð. Sorrí.
– Þetta er betra. En segðu þetta einu sinni aftur, mér finnst svo gaman að heyra þetta.
– Sorrí Davíð. Sorrí.
– Ahhhhh…Þú segir þetta af miklu meiri innlifun en hinir strákarnir. Elska þig mest.
– Takk Davíð. Takk. Guð blessi þig Davíð.
– Takk. Bless.
– Vertu sæll Davíð.
(upptaka endar)
- Lokaorð - 29/05/2015
- Traust - 01/05/2015
- Deyfilyfið - 16/04/2015