Björn Valur Gíslason 16/05/2014

Undarleg hegðun kjósenda

Bæjarstjórinn í Hafnarfirði nýtur virðingar fyrir störf sín þvert á flokka. Hún hefur áunnið sér traust og virðingu sem bæjarstjóri og pólitískir andstæðingar hennar virðast ekki heldur hafa neitt yfir henni að kvarta svo heitið getur, a.m.k. ekki opinberlega. Samt lítur það þannig út að hún eigi á brattann að sækja í aðdraganda kosninga.

Því er hins vegar öfugt farið varðandi bæjarstjórann í Reykjanesbæ, 35 kílómetrum vestur frá Hafnarfirði. Hann er af flestum talinn vera einn versti bæjarstjóri sem sögur fara af á Íslandi. Undir hans stjórn hefur Reykjanesbær hnignað og þar er félagsleg staða fólks einna verst þar á landinu öllu. Í bæjarstjóratíð hans hefur bæjarfélagið glutrað niður svo til öllum eigum sínum, er stórskuldugt og undir stöðugu eftirliti vegna fjárhagsstöðu sinnar. Þó virðist meirihluti bæjarbúa vilja hafa hann áfram ef marka má kannanir.

Hvað skýrir þessa undarlegu hegðun kjósenda?

Björn Valur Gíslason
Latest posts by Björn Valur Gíslason (see all)
Flokkun : Pistlar
1,150