trusted online casino malaysia
Björn Valur Gíslason 25/02/2015

Það er mörg tilviljunin

King og DavíðSamkvæmt því sem fram hefur komið í fréttum segir Davíð Oddsson, fyrrverandi bankastjóri Seðlabankans, að tilviljun ein hafi ráðið því að hann hljóðritaði símtal sitt við Geir H. Haarde þar sem endanleg ákvörðun um Kaupþingslánið var tekin haustið 2008.

Í því sambandi má rifja upp að DO hljóðritaði, væntanlega líka „fyrir tilviljun“, annað símtal án heimildar þess sem hann hringdi í. Það gerði hann þegar hann hringdi í seðlabankastjóra Bretlands, Mervyn King.

DO sagði síðan frá því að í því símtali hafi sá breski lofað því að falla frá kröfum á hendur Íslandi vegna Icesave-reikninganna. Breski bankastjórinn sagði fullyrðingar Davíðs rakalausan þvætting.

Það breytti því ekki að í kjölfar þess viðtals fóru þingmenn sjálfstæðisflokksins fram á að símtalið yrði birt opinberlega eða til vara að þeir gætu kynnt sér það. Það gekk erfiðlega en á endanum heimilaði Mervyn King að fjárlaganefnd og utanríkismálanefnd þingsins fengju að lesa útskrift af símtalinu.

Eftir það hefur ekki verið minnst á þetta símtal af hálfu sjálfstæðismanna og engar frekari kröfur gerðar af þeirra hálfu til að opinbera það sem þar kom fram.

Þær eru margar tilviljanirnar.

 

Latest posts by Björn Valur Gíslason (see all)
Flokkun : Pistlar
1,296