Karl Th. Birgisson 26/08/2014

Sorrí

„Spurningin um afsögn ráðherrans verður mjög áleitin,“ skrifar Egill Helgason í dag. Það er næstum örugglega vanyrðing ársins.Hanna Birna

Bréf umboðsmanns alþingis fyllir upp í myndina sem þegar var komin fram af embættisathöfnum Hönnu Birnu Kristjánsdóttur:

Hún sigar aðstoðarmönnum sínum á lögreglustjórann til að fá hann til að segja tiltekna hluti opinberlega.

Hún sigar ráðuneytisstjóranum á ríkissaksóknara.

Hún sigar lögmanni sínum á lögreglustjórann.

Hún hefur bein afskipti af rannsókn lögreglunnar á ráðuneytinu, bæði til að hraða henni svo að hún sjálf losni við „óþægindi“ og gagnrýnir beint tilteknar starfsaðferðir og athafnir lögreglunnar.

Hún „gusar“ gagnrýninni yfir lögreglustjórann.

Hún hótar lögreglustjóranum vegna rannsóknarinnar.

Við bætist svo að hún hefur sagt alþingi ósatt.

Það er vonum seinna að Hanna Birna hefur nú áttað sig á því að hún á ekki að vera dómsmálaráðherra.

Lýsingar á hegðun hennar í bréfi umboðsmanns staðfesta annað og meira:

Hún á ekki að vera ráðherra yfirleitt. Hún kann ekki með slíkt vald að fara. Sorrí.

1,430