Sjálfstæðisflokkurinn hættur að endurgreiða styrki til FL Group og Landsbankans? Neitar að veita upplýsingar

Sjálfstæðisflokkurinn virðist hafa horfið frá áætlun um að endurgreiða styrki sem hann fékk á sínum tíma frá FL Group og Landsbankanum.

Þegar fréttist af styrkjunum árið 2009, alls um 55 milljónir króna að þávirði, sagði Bjarni Benediktsson að flokkurinn myndi endurgreiða þá á sjö árum eða til ársins 2016.

Nú neitar flokkurinn að gefa upp hvort staðið hefur verið við þá áætlun eða hversu mikið hefur verið endurgreitt af styrkjunum. Björn Valur Gíslason vekur máls á þessu í grein í Herðubreið og segir:

„Það er alveg ljóst að ef allt væri með felldu varðandi endurgreiðslur sjálfstæðisflokksins hefði því verið svarað vel og skilmerkilega.“

Sjá grein Björns Vals hér.