Björn Valur Gíslason 23/07/2014

Ótrúlega hissa

,,Það er í sjálfu sér ótrúlegt að okkur hafi haldist þannig á málum, að ríkið sitji uppi með á milli 100 og 200 milljarða ábyrgðir og tjón vegna Íbúðalánasjóðs sem hefur starfað í skjóli ríkisins.“Bjarni Benediktsson

Þetta segir Bjarni Benediktsson, fjármálaráðherra og formaður sjálfstæðisflokksins, í viðtali við RÚV.

Það er svo sannarlega rétt hjá Bjarna. Það er ótrúlegt hvernig til tókst. Eitthvað er honum þó málið skylt enda fyrst og fremst um að ræða afleiðingu stórfelldra pólitískra mistaka sjálfstæðisflokksins sem sat samfellt í 18 ár í fjármálaráðuneytinu fyrir Hrun. Það var tímabilið sem menn gengu hreint til verks við að koma hugsjónum sínum í framkvæmd án þess að láta sig afleiðingarnar varða.

Annars má m.a. lesa um ástæður þessa alls í eftirfarandi skýrslum, hafi einhver áhuga á því:

Skýrsla rannsóknarnefndar Alþingis á aðdraganda og orsökum Hrunsins.

Skýrsla rannsóknarnefndar Alþingis um Íbúðalánasjóð.

Kannski Bjarni ætti að taka næstu rigningarhelgi í lestur.

Björn Valur Gíslason
Latest posts by Björn Valur Gíslason (see all)
Flokkun : Pistlar
0,936