Björn Valur Gíslason 03/07/2014

Óskiljanlegur ráðherra

Ragnheiður Elín Árnadóttir iðnaðar- og nýsköpunarráðherra segist hafa hitt og rætt margsinnis fulltrúa Costco, sem hefur áhuga á að að opna risaverslun og bensínstöð á Íslandi og selja þar brennivín, lyf og ferskt kjöt sem kompaníið hyggst flytja sjálft inn. Ráðherrann hefur tekið fyrirtækinu vel og segir að hún og ríkisstjórnin séutilbúin til að gera það sem í okkar valdi stendur til að greiða úr þeim úrlausnarefnum sem fyrir hendi eru.“  Svo vitnað sé orðrétt í ráðherrann.Ragnheiður Elín

Þetta er sem sagt allt mjög skýrt af hálfu ráðherrans.

Í samtali við Bændablaðið (forsíða) er sami ráðherra hins vegar algjörlega óskiljanlegur en þar segir hún um sama mál: „Það sem ég var að vísa til í þessu viðtali (við RÚV) var einfaldlega það að til þess að af komu þessa fyrirtækis megi verða eru ákveðnir hlutir sem þeir óska eftir að við tökum til skoðunar. Ég vil ekki tjá mig um þau atriði sem ekki eru á mínu borði. Almennt er ég mjög hlynnt komu þessa fyrirtækis þegar við erum að horfa á samkeppni í verslun. Ég sé ekki fyrir mér að reglum verði breytt fyrir þetta fyrirtæki eingöngu. Ég er ekki að boða innflutning á hráu kjöti með orðum mínum heldur það að yrði af þessu myndi það leiða til aukinnar samkeppni og aukins vöruúrvals almennt í verslun.“

Skilur þetta einhver?

Vill ráðherrann gera allt sem í hennar valdi stendur svo Costco geti byggt hér risverslun og bensínstöð og selt þar brennivín, lyf og nautakjöt eins og hún segir í viðtali við RÚV eða vill hún það ekki eins og hún segir í viðtali við Bændablaðið?

Er kannski þörf fyrir fjölmiðil sem skilur sjálfstæðisflokkinn eins og framsókn er að kalla eftir?

Björn Valur Gíslason
Latest posts by Björn Valur Gíslason (see all)
Flokkun : Pistlar
0,929