trusted online casino malaysia
Björgvin Valur 09/10/2014

Ómótstæðilegt tilboð

20140613__50115~s500~ph_500

Tilboðsgerð

Í morgun heyrði ég í útvarpinu, einhvern frá Mjólkursamsölunni, kveinka sér undan árásum á bændur.  Svo bætti hann við að MS hefði bara verið að vinna innan þeirra laga sem sett voru 2004 um undanþágu frá samkeppnislögum.  Hann virtist ekki skilja hvað fólk gæti haft út á það að setja.

Í fyrsta lagi, þá er enginn sem gagnrýnir núverandi fyrirkomulag í mjólkursölu að ráðast á bændur, ekki frekar en þau sem vilja breytingar á kvótakerfinu eru að ráðast á sjómenn.

Í öðru lagi eru það einmitt umrædd lög, Guðnalögin svokölluð, og framganga MS gagnvart keppinautum sínum sem hleypa illu blóði í fólk.

Einna skuggalegast er að MS skuli hafa endurgreitt Mjólku mismuninn á okrinu og venjulegs verðs, eftir að Kaupfélag Skagfirðinga eignaðist Mjólku.  Fyrri eigendur virðast hafa mátt sæta ofurkjörum, þar til þeir gátu ekki lengur rekið fyrirtækið.

Er þetta ekki svipuð taktík og beitt var gegn ostagerðamanninum í Hveragerði fyrir fimmtíu árum síðan?  Eða veitingastöðum í New York, bróðurpart síðustu aldar.  Nei, fyrirgefið, það voru önnur samtök sem settu þeim afarkosti.

En þið fyrirgefið mér þótt ég ruglist; það er svo auðvelt að rugla þessum ómótstæðilegu tilboðum saman.

Latest posts by Björgvin Valur (see all)
Flokkun : Pistlar
1,913