Björn Valur Gíslason 07/05/2014

Óhugnanleg skoðanakúgun stjórnvalda

Það er ekki aðeins óásættanlegt heldur beinlínis óhugnanlegt að stjórnmálamenn skuli liggja yfir undirskriftarlistum með því hugarfari sem forystumaður framsóknarflokksins gerir. Í því felst skoðanakúgun og hótanir af hálfu stjórnvalda til þeirra sem vilja nýta lýðræðislegan rétt sinn til að láta skoðanir sínar í ljós og reyna þannig að hafa áhrif á líf sitt og umhverfi.

Það er afar líklegt að nöfn þeirra sem skrifuðu undir áskorun til stjórnvalda vegna ESB málsins séu nú þegar varðveitt í skjalageymslum framsóknarflokksins til síðari tíma nota. Því er nú kallað eftir nöfnum hinna sem ekki vildu koma fram undir nafni til að fullkomna verkið.

Tilgangur stjórnvalda virðist vera sá að koma þeim skilaboðum til fólks að hugsa sig tvisvar um áður en það lætur skoðanir sínar í ljós, sérstaklega þó ef þær eru stjórnvöldum ekki þóknanlegar.

Það er skömm að slíkum stjórnvöldum.

Björn Valur Gíslason
Latest posts by Björn Valur Gíslason (see all)
Flokkun : Pistlar
0,846