Konan sem grét

Þegar tillögur um lækkun húsnæðisskulda voru  kynntar fyrir þingflokki framsóknarflokksins, brast ein þingkona flokksins í grát. Hún grét af skömm yfir því að hafa logið að kjósendum sínum. Hún grét af skömm yfir því að flokkurinn hennar ætlar hiklaust og án málalenginga að svíkja stærsta kosningaloforð í 100 ára sögu flokksins. Stærsta loforð allra tíma. Loforð sem leiddi til kosningasigurs og forystu framsóknar í ríkisstjórn með sjálfstæðisflokknum.

Hvar er hún nú, þingkonana sem grét af skömm yfir sviknum loforðum? Hvað finnst henni um niðurstöðuna http://www.ruv.is/frett/hugsanlegt-ad-afturkalla-hluta-adgerdanna eins og sjálfur verkefnastjórinn hefur lýst henni fyrir alþjóð?

Hefur hún kannski ekki verið spurð og ef ekki – þá hvers vegna?

Það er skiljanlegt að þingkonan hafi grátið og skammast sín en að sama skapi óskiljanlegt að ekki hafi brotist út fjöldagrátur í þingflokknum á umræddum fundi. Það bendir til þess að það sé aðeins einn framsóknarmaður á Alþingi sem kann að skammast sín.

Hinir virðast hafa logið úr sér alla glóru.