Björn Valur Gíslason 08/06/2015

Hver var tilgangurinn með lekanum?

Alþingi var kallað saman að kvöldi sjómannadags til að setja lög til að forða frekari tjóni vegna leka að öllum líkindum úr forsætisráðuneytinu.sigmundur davíð

Það er býsna alvarlegt mál.

Lekinn endurspeglar deilur og átök milli stjórnarflokkanna um eitt stærsta samtímamál okkar, afnám gjaldeyrishafta. Í þeim deilum virðist sem svo að forsætisráðherra og hans lið láti sig almannahag litlu skipta og það ekki í fyrsta sinn.

Það er afar mikilvægt að upplýst verði um lekann, hvaðan hann nákvæmlega kom og hver tilgangur hans var af hálfu forsætisráðuneytisins. Það þarf jafnframt að leggja mat á það tjón sem orðið hefur af þessum sökum, fjárhagslegu sem og á stöðu Íslands gagnvart kröfuhöfum í bú föllnu bankanna.

Síðast en ekki síst er algjörlega nauðsynlegt að upplýsa hvort og þá hvaða upplýsingum hefur áður verið lekið vegna þessa máls og hverjir tengiliðir forsætisráðherra við kröfuhafa eru á þeim vettvangi. Það fólk verður að fjarlægja úr stjórnarráðinu og hirð forsætisráðherra.

Þetta getur ekki gengið svona lengur.

Björn Valur Gíslason
Latest posts by Björn Valur Gíslason (see all)
Flokkun : Pistlar
1,825