Guðmundur Gunnarsson 18/05/2014

Hvað með lánsveðsheimilin?

Forsætisráðherra talar ætíð um að hann sé að koma til hjálpar heimilunum með heimsmeti í skuldaleiðréttingum. Ekkert hafi verið gert fyrir þau eftir hrun.

Fyrsta verk núverandi ríkisstjórnar var að lækka skatta hjá ríkustu fjölskyldum þessa lands um milljarða tugi.

Annað verk þessarar ríkisstjórn var að henda í ruslafötuna samkomulagi sem búið var að ná um lánsveðshópinn. Þar sviku Sigmundur Davíð og Bjarni illilega mörg heimili.

Ekki bara þau heimili sem tóku lán einmitt út á kosningaloforð Framsóknar um 100% veðsetningarregluna og er líklega sú regla sem hefur skaða íslensk heimili mest af öllum reglum, reyndar fyrir utan krónuna og spil stjórnmálanna með hana í reglubundnum gengisfellingum.

Sigmundur Davíð sveik nefnilega enn fleiri heimili en lántakans, það eru að auki heimili foreldra, afa og ömmu, systkina og náinna vina sem lánuðu veð í góðri trú um að fá sitja við sama borð og önnur heimili þessa lands.

Svo maður tali nú ekki um heimili hinna ríkustu.

Og Sigmundur Davíð og Bjarni halda áfram að setja lánsveðsheimilin út fyrir sviga áður leiðréttingar eru reiknaðar út.

Hvers vegna fjallar fréttastofa RÚV ekki um lánsveðsmálin?

Sigmundur Davíð er að setja heimsmet í populisma, hefur reyndar gert það í hverju málinu á fætur öðru.

Flokkun : Pistlar
0,897