Höfundur Njálu

Eftir Sigurð Pálsson

Það var í árdaga

Það var gaman í árdaga

 

Verðandi höfundur Njálu

kom gangandi niður túnið

Það var ekki búið að skíra fjallið

 

Kýrnar jórtruðu og biðu

þolinmóðar eftir Scheving

 

Kálfarnir léku sér

 

Höfundur Njálu staldrar við

rennir augum upp fjallið

og skírir fjallið

 

Hvessir síðan augun

hvessir augun

á kálfana

 

Sigurður Pálsson (Ljóð námu menn, 1988)