trusted online casino malaysia
Karl Th. Birgisson 27/03/2014

Hér er komin Herðubreið

Hér lítur dagsins ljós endurnýjaður vefur tímaritsins Herðubreiðar.

Hlutverk hans er svipað og tímaritsins — að spegla samtíma okkar og samfélag í vel skrifuðum texta. Hið „pólitíska“ erindi er að stuðla að eðlilegu samfélagi og þykir víst sumum nóg færzt í fang.

Þessu hlutverki viljum við sinna í sama takti og áður, þ.e. við viljum fremur greina strauma en segja fréttir af gusugangi hinnar daglegu umræðu.

Það þýðir þó (vonandi) ekki að við sitjum með nefið upp í loftið, yfir dægurþrasið hafin. Fjarri því. Herðubreið fjallar líka um dægurmál, en með sínum hætti.

Við viljum líka vona að við höfum húmor.

Að öðru leyti fylgir Herðubreið stefnu Rásar tvö, sem spilar jafnhendis Hauk Morthens og Mötley Crüe:

„Þú veizt aldrei hvað kemur næst.“

En við reynum að hafa það sómasamlegt svo að samfylgdin verði ánægjuleg.

Meira var það nú ekki í bili.

1,441