Hægri töff

Stundum er okkur sagt að hægri og vinstri séu úrelt hugtök og ekki nothæf til að skilgreina pólitískar hugmyndir. Það er ekki rétt.

Þetta er meðal þess sem skilgreinir ríkisstjórn sem hægri stjórn:

Þau lækka veiðigjald á útgerðina þar sem hagnaðurinn lekur út um alla möskva.

Þau afnema auðlegðarskattinn og lækka þannig gjöld á stóreignafólk.

Þau neita að skattleggja ferðaþjónustuna eins og aðrar atvinnugreinar.

Þau ætla að lækka skatta enn meira hjá þeim tekjuhæstu.

Þau moka tugmilljörðum úr ríkissjóði til fólks sem þarf ekki á því að halda.

Með þessum og öðrum aðferðum svelta þau ríkissjóð svo að ekki er nægt fé til nauðþurfta.

Að svo búnu taka þau til við að skamma forstöðumenn ríkisstofnana fyrir að lækna of marga veika, niðurgreiða of mörg lyf og moka of miklum snjó af vegum.

Og finnst þau rosalega töff.

Svona hægri töff.