Fyrsta þingkonan

Í dag fögnum við því að 99 ár eru liðin frá því konur fengu kosningarétt á Íslandi. Þær þurftu þó að vera orðnar fertugar fyrst um sinn en það breyttist 1920.

Ingibjörg H. Bjarnason var fyrst íslenskra kvenna til að vera kjörin á Alþingi árið 1922. Hún var kjörin af sérstökum kvennalista sem hlaut ríflega 20% atkvæða. Ingibjörg var fædd á Þingeyri við Dýrafjörð 1869. Hún lauk leikfimikennaraprófi í Danmörku árið 1892 og kenndi hér heima. Hún varð skólastýra Kvennaskólans 1906 til æviloka 1941.

Á vef Alþingis má sjá að Ingibjörg lét einkum til sín taka í málum er vörðuðu fjölskyldur landsins; í mennta- og heilbrigðismálum og því sem viðkom afkomu fátækra.